حملة (هنتغير بجد)..للشباب والفتيات

ادخل اشترك معانا أخى / أختى فى الله
فى حملة هنتغير بجد

http://forum.mustafahosny.com/showthread.php?t=79922

حملة (هنتغير بجد)..للشباب والفتيات 7amla

حملة (هنتغير بجد)..للشباب والفتيات 010rztmi26

السلام عليكم ورحمة الله وبركاته
بعد الحمد لله والصلاة والسلام على الحبيب المصطفى
ثم اما بعد؛
حملة
(هنتغير بجد)
للشباب
&
الفتيات

حملة (هنتغير بجد)..للشباب والفتيات 7amla

حملة (هنتغير بجد)..للشباب والفتيات 793091700

حمله
شبابيه
للولاد والبنات
ولكل الناس
هدفها
اننا نغير مفهومنا
عن الدين
ونفهمه صح
ونحب ربنا بجد لانه يستاهل يتحب
ولو حبنا بجد
معاصينا هتقل
ووبالتالى هيحبك

وبرضه
هدفنا نغير حياتنا كلها
فى كل حاجه
حتى فى طريقه تشجيعنا للكورة
فى طريقة
مشيتنا
فى اسلوب كلامنا
فى كل حاجه
كل حاجه

عاوزين نعيش حياتنا
بجد
نعيشها صح
نرضى نفسنا
بعد
ما نرضى ربنا

هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين
+الاول وهو اللى هيغيرنا بجد
=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ...

حملة (هنتغير بجد)..للشباب والفتيات 908799976

حملة (هنتغير بجد)..للشباب والفتيات 908799976

الحلقة الاولى
(المقدمة)
+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+انت مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين أسرفوا على أنفسهم
لا تقنطوا من رحمة الله
إن الله يغفر الذنوب
جميعا أنه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوز ربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
____________
=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته

الى اللقاء فى الحلقة التانيه
مع
حملة
(هنتغير بجد)